Plantun de Prouvènço

Pèr coumpara dos planto d'encò nostre

Juncus sphaerocarpus & Abies cephalonica

Juncus sphaerocarpus

Juncaceae

Nom en français : Jonc à fruits globuleux.

Descripcioun :
Aquéu rare pichot jounc trachis d'eici, d'eila, dins li pelouso sablouso o argielouso e en ribo d'aigo. Es uno planto mau couneigudo que sèmblo proun à la tèsto-rousso, Juncus tenageia que vèn sus siliço. Pamens èi pu rabasseto, li grano soun quàsi lisco e lou dessin sus li tepalo (pus escartado) èi pas lou meme. Se destrìo dóu group J. bufonius qu'a si fru bèn redoun e pas alounga.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : 2 à 3 mm
Flourido : Printèms

Sòu : Ca
Autour basso e auto : 0 à 1700 m
Aparado : Noun
Mai à jun

Liò : Pelouso umido - Ribiero
Estànci : Termoumediterran à Mountagnard
Couroulougi : Eurimediterrano
Ref. sc. : Juncus sphaerocarpus Nees, 1818

Sapin(-de-Cefalounìo)

Abies cephalonica

Pinaceae

Àutri noum : Sapin(-de-Grèço), Sap, Sapino, Abet, Sapi.

Noms en français : Sapin de Céphalonie, Sapin de Grèce.

Descripcioun :
Lou sapin-de-Cefalounìo trachis naturalamen en Grèço (Cefalounìo). Au nostre es esta planta pèr lou rebouscage. Sèmblo proun à nosto sapino, Abies alba, pamens li fueio soun mai longo (25 mm) e un pau torso sus la fin. Tambèn lou bout de la fueio èi pounchu (fotò). Li bourroun soun resinous. Es un aubre que devèn mens grand (30 m). Coumpara emé lou sapin dóu nostre que ié sèmblo proun.

Usanço :
Dèu agué li mémis usanço que la sapino.